Flokkur:Þorsteinn Þorgeirsson
Þorsteinn Þorgeirsson.
Þorsteinn Þorgeirsson fæddist á Lambastöðum í Garði 4. desember 1913 og bjó þar allt þar til hann lést 6. mars 2001.
Þorsteinn var einn tólf systkina, kallaður Steini. Hann starfaði við sjómennsku frá unga aldri og átti m.a. og réri á vélbátnum Þorsteinn GK 327 alla tíð. Báturinn var geymdur í vörinni í Lambastaðafjörunni og eins og fram kemur í minningargrein um Þorstein, hugsaði hann alltaf um bátinn „af svo mikilli natni að unun var að“. Hann var ókvæntur og barnlaus, en þótti mjög barngóður.
Þorsteinn var virkur þátttakandi í samfélagi döff í Reykjavík og var meðal annars einn af stofnfélögum Félags heyrnarlausra 11. febrúar 1960. Hann er einn af elstu málhöfum ÍTM sem til eru upptökur af og er því mikilvægur hlekkur í sögu döff og ÍTM á Íslandi.
Árið 1995 tók Daníel Jacob Jensen viðtal við Þorstein heima hjá honum í Garði. Þar segir hann m.a. frá uppvexti sínum, fjölskyldu, skóla og vinnu.
Viðtalið er birt hér á SignWiki með leyfi frændfólks Steina, í tilefni af Degi íslenska táknmálsins 2025. Auk þess má sjá stutt myndband frá því að Þorsteinn fékk nokkra vini í heimsókn á Lambastaði ca 1968-1972.
Síður í flokknum „Þorsteinn Þorgeirsson“
Þessi flokkur inniheldur 3 síður, af alls 3.