Flokkur:Málhafar ÍTM, fæddir 1941-1961

Hér verða birt myndbönd af frásögnum og viðtölum við einstaklinga sem lagt hafa mikið af mörkum til varðveislu íslensks táknmáls.

Í stefnu Samskiptamiðstöðvar fyrir árin 2024-2026 og 2025-2027 kemur fram að auka eigi framboð af útgefnu táknmálsmenningarefni, þar á meðal með birtingu viðtala við málhafa íslensks táknmáls á SignWiki. Er þetta í samhengi við það markmið stjórnvalda að efla þjónustu við táknmálsfólk, eins og fram kemur í fjármálaáætlun 2025-2029, og málstefnu íslensks táknmáls, þar sem lögð er áhersla á varðveislu málsins og að varðveitt efni sé birt almenningi.

Á þessari síðu verða því birt viðtöl og myndbönd málhafa ÍTM þar sem þau eru aðgengileg öllum almenningi til gagns og ánægju.

SHH veitir heiðursviðurkenningu vegna framlags til varðveislu ÍTM. Á degi íslensks táknmáls árið 2024 var það Anna Jóna Lárusdóttir sem hlaut heiðursviðurkenningu SHH. Myndbönd af henni má finna hér á þessari síðu.