Flokkur:Ragnar Erlendsson
Ragnar Erlendsson.
Ragnar Erlendsson fæddist í Reykjavík 3. júní 1911 og lést þar 18. ágúst 1998.
Eftir nám í Heyrnleysingjaskólanum í Stakkholti vann Ragnar hjá Hitaveitu Reykjavíkur í áratugi. Hann var náttúruunnandi og þann áhuga sinn sýndi hann gjarnan á listrænan hátt, t.d. með því að mála og taka myndir. Í minnigargrein um Ragnar má sjá að hann þótti einstaklega hlýr og umhyggjusamur maður og kenndi með návist sinni hógværð og prúðmennsku. Augu hans og bros „sögðu fleiri orð en annarra manna orð ... Þetta varst þú, hljóður og brosandi góður maður“.
Ragnar er einn af elstu málhöfum ÍTM sem til eru upptökur af og er því mikilvægur hlekkur í sögu döff og ÍTM á Íslandi. Hann var virkur þátttakandi í samfélagi döff í Reykjavík og var meðal annars einn af stofnfélögum Félags heyrnarlausra 11. febrúar 1960.
Böðvar Árnason tók viðtal við Ragnar fyrir utan Vinahlíð árið 1993. Þar segir hann m.a. frá skólanum, barnæsku og vinnu. Viðtalið er birt hér á SignWiki með leyfi frændfólks Ragnars, í tilefni af Degi íslenska táknmálsins 2025.
Síður í flokknum „Ragnar Erlendsson“
Þessi flokkur inniheldur 2 síður, af alls 2.