Flokkur:Sigríður Kristín Kolbeinsdóttir
Sigríður Kristín Kolbeinsdóttir, oftast kölluð amma.
Sigríður Kristín Kolbeinsdóttir, sem oftast var og er kölluð Amma í döff samfélaginu, fæddist í Æðey við Ísafjarðardjúp 10. ágúst 1900, en hún lést í Reykjavík 20. maí 1997.
Sigríður var í Heyrnleysingjaskólanum í Reykjavík 1909-1916 og kynntist þar eiginmanni sínum Jóni Sigfússyni bakara (1891-1944). Þau giftust 1922 og áttu 3 börn, Halldóru f.1924, Stefaníu f.1926 og Grétar f.1928.
Sigríður var húsmóðir allt sitt líf. Nokkrir afkomendur hennar og Jóns voru/eru döff og varð heimili þeirra fljótt samkomustaður döff samfélagsins í Reykjavík og hélst það svo um langt árabil. Gælunafn Sigríðar, Amma, kemur frá þessum tíma. Döff fólk á öllum aldri sótti til hennar og hún gætti þess að allir fengju eitthvað við sitt hæfi, matarkyns og tilfinningarlega og varð því eins konar „amma“ allra sem inn á heimilið komu. Amma er elsti málhafi íslensks táknmáls sem SHH á viðtöl við og er hún því ekki eingöngu mikilvægur hlekkur í félagslegri sögu döff á Íslandi, heldur einnig í sögu ÍTM. SHH tók við hana tvö viðtöl og eru þau birt hér á SignWiki með leyfi afkomenda hennar, í tilefni af alþjóðlegrar viku döff 2024.
Síður í flokknum „Sigríður Kristín Kolbeinsdóttir“
Þessi flokkur inniheldur 3 síður, af alls 3.