Víðir Reynisson

Guðmundur Víðir Reynisson (f. 22. apríl 1967) er íslenskur þingmaður fyrir Samfylkinguna.

Hann starfaði áður sem lögreglumaður og yfirlögregluþjónn almannavarnarsviðs hjá ríkislögreglustjóra.

Víðir varð landsþekktur á Íslandi í kórónaveirufaraldrinum árið 2020. Vegna yfirvegaðrar framkomu sinnar á daglegum upplýsingafundum um veiruna vann hann sér inn almennar vinsældir meðal Íslendinga og frasinn „Ég hlýði Víði“ náði talsverðri útbreiðslu til þess að hvetja til fylgni við samkomubannið sem sett var til að hefta útbreiðslu veirunnar.

Þau Víðir, Alma Möller og Þórólfur Guðnason hlutu viðurnefnið „þríeykið“ í fjölmiðlaumfjöllun á tíma faraldursins.